Ákvað að prófa nýja bloggsíðu. Ef ekki vel gengur þá breyti ég bara aftur.
Nýja slóðin er

www.swassi.bloggar.is

Endilega segið mér hvað ykkur finnst

Kv.
Selurinn

Djöfull er maður eitthvað slappur við þetta blogg hérna.
Tók þetta biostatpróf um daginn, gekk nú ekki nógu vel, enda eitthvað að leiðinlegasta sem ég geri. En það er annar séns á að fá undaþágu á þessu í lokaprófinu. Annað próf 6 des.

Vaknaði kl 4 um nóttina fyrir nokkrum dögum vegna brjálaðs hvassviðris allt í einu. Svalahurðin uppá 3 hæð hjá okkur fauk upp, heyrði í henni skellast. Mætti kallinn á naríunum einum saman með borvél í hönd og ætlaði aldeilis að redda hlutunum. Ætlaði bara að bora hurðina pikkfasta enda orðinn nett pirraður á þessu. En nei, borvélin var batteríslaus, engir naglar til þannig að ég gat ekki neglt hana fasta. Endaði með að ég dró rúmið hans Magga Mcdonalds fyrir hurðina, það dugði fram á morgun.

Okkar helsta dægradvöl hérna (fyrir utan að læra eins og skepnur) er að hanga á stað sem heitir Imperial og spila Pool og Snooker. Þvílík snilldar íþrótt þarna á ferð. Var ósigrandi fyrst um sinn, en fór svo allt í einu að tapa fyrir mönnum eins og Sigurbirni og einhverjum fleiri kellingum En ég er kominn á gott skrið aftur, er að nálgast mitt fyrra form.

Talandi um íþróttir þá skellti ég mér á körfuboltaæfingu hjá háskólaliðinu hérna í Debrecen og auðvitað var ég sign-aður á staðnum og boðinn samningur sem hljóðar uppá væna peningasummu og samning við ABIBAS Þannig að nú er ég að fara að æfa með liðinu á þriðjudögum (bara ein æfing á viku). Leikur eftir 2 vikur held ég og svo í Mars þá er mót hérna í Debrecen milli háskólanna í Ungverjalandi.
Það er kona að þjálfa okkur, bauð mér að koma æfa sund en ég hló að henni. Sagði mér að maðurinn hennar hafi þjálfað Tindastól í körfu fyrir nokkrum árum, kannaðist meira segja við Snæfell en hafði ekki enn heyrt um Brokey.


Annars er bara allt gott að frétta af mér, Kalli besti vinur var að eignast litla stelpu í gær, eða var það í fyrradag... og óskum við honum og Moniku til lukku með það
Ofninn í herberginu hjá mér er loksins kominn í lag þannig að hitastigið inn hjá mér er komið yfir frostmark.

Bið kærlega að heilsa öllum heima

Selurinn

Sit inní herberginu mínu, hlusta á Rás 2 og er að læra undir Biostatistics. Á íslensku mundi þetta vera líkindareikningur, sem mér finnst alveg einstaklega óheppilegt fag. Get með engu móti fengið mig til að finnast þetta vera áhugavert. Próf á miðvikudaginn í þessu. Ef ég næ 75% af prófinu þá má ég sleppa við það á lokaprófinu um jólin, ekki alveg að sjá það gerast En kraftaverkin geta gerst, ef ekki þá má taka prófið aftur í nóvember held ég og þá gildir betri einkunnin.

Var í efnafræði prófi seinustu viku og gekk bara sæmilega. Var um 50% fall en kallinn náði þessu með stæl

Nú hef ég verið hérna í Ungverjalandi í næstum 2 mánuði, líkar dvölin alveg rosalega vel. Verðlag gott, veður ennþá milt (skítakuldi á kvöldin) og nóg að gera í skólanum. En maturinn hérna í þessu landi mótmæla er ekki alveg að gera sig. Búinn að fá eina góða steik á veitingastað með piparsósu og öllu. Ekki mikil sósumenning hérna, vantar alveg rjómasósurnar og ég tala nú ekki um lambalæri.. ekki búinn að hugsa um annað seinasta mánuðinn. Höfum reyndar verið duglegir að elda, tala nú ekki um burritós, það er eldað 2-3 í viku á okkar heimili, mjög gott


Vinur hans Sigurbjörns er að koma núna um helgina og ætlar hann að koma með læri fyrir okkur, grænar baunir og sósubréf, get ekki beðið. Árni ætlaði nú að koma frá London og kíkja á strákinn en kom með einhverjar afsakanir um “workshop” Held að það sé einhver Nýju Gíneu lykt af þessu hjá honum

Skruppum í dýragarðinn hérna í Debrecen um daginn. Sá þar krókódíl í fyrsta skipti og já eyrað á parduskisu. Hún var ekki mikið að nenna að koma út úr húsinu sínu og sýna sig fyrir mannfólkinu. Ætlum að mæta þarna í vor þegar það fer að hlýna aftur. Öll dýrin voru steinsofandi, held að ljónin voru dauð inní herberginu sínu, birnirnir voru steinsofandi, krókódíllinn hreyfði sig ekki og slöngurnar högguðust ekki. Dýragarðurinn eitthvað að spara, þetta var allt gervi!!!???!!!

Jæja ætla að halda áfram að fara yfir þetta hel#$!”#$ biostat.

Bið að heilsa ykkur í bili

Selurinn

Jáhhhh, komið öll sæl !!!!
Vildi aðeins segja ykkur frá skólamótinu í fótbolta sem var haldið seinustu helgi. Liðið okkar hét F.C Valur.???? Ekki alveg að skilja það. Afhverju ekki F.C. Snæfell, F.C.Brokey eða þá F.C. Hrafnaflóki (íþróttafélagið á patró)
Auðvitað voru miklar væntingar gerðar til míns liðs, enda valinn maður í hverri stöðu. Sjálfir ætluðum við gjörsamlega að rústa þessu móti.... en það fór ekki alveg á þann veg. Fyrsti leikurinn okkar var gegn “slakara” hinu íslenska liðinu. Hann fór 0-0. Þeir pökkuðu allir í vörn, 5 á milli stanganna í handboltamarki. Næsti leikur var gegn einhverjum ungverjum. Sá leikur fór 3-3 bara vegna ótrúlegs dómaraskandals. Þegar hann sagði að mínúta var eftir, þá liða aðrar 3 þangað til að hann flautaði leikinn af og þeir náðu að jafna.
Næst var það lið ísraels sem var baráttu út í gegn en endaði með sigri íslendinga, 1-0
Næsti leikur var gegn fulla liðinu. Langskemmtilegasti leikurinn og besti mórallinn. Unnum þann gaur 5-1 þar sem ég skoraði mitt fyrsta og eina mark í mótinu
Eftir riðla keppnina vorum við í 2. sæti í okkar riðli og komnir áfram í 8 liða úrslit. Þar mættum við sigurvegurum seinustu 3 ára, Persian Police. Írana andsk... helvíti góðir og sterkir. Mættum þar ofjörlum okkar. Töpuðum 5-1. Þar með var okkar þátttöku lokið í þessu skólamóti, ekki alveg sáttir við okkar frammistöðu. Eina sem við græddum á þessu voru: meiðsl, harðsperrur, sviti og vond lykt og svo ótrúlega sólbrunnir.

Þess má geta að íslensku stelpurnar smöluðu í lið og gerðu sér lítið fyrir og sigruðu mótið í stelpudeildinni. Spiluðu á móti norsku stelpunum, sem sumar hverjar voru andskoti skrautlegar eftir daginn.

Sjálfur er ég bara að lesa fyrir skyndiprófin. Er að fara í próf í næstu viku, svo kallað self control test nr. 1. Get fengið einhver aukastig útúr þessum prófum sem gilda til lokaeinkunnar.
Svo er það fyrirlestur sem ég þarf að halda í 8 viku. Umræðu efnið mitt er Fluorescence spectroscopy . Þeir sem vita eitthvað um þetta, er bent á að kommenta og segja mér frá hvað þetta er Þetta verður bara gaman.

Set nokkrar myndir frá fótboltamótinu hérna inná.
Annars bið ég bara kærlega að heilsa öllum.

Selurinn

Jæja þetta gengur ekki lengur, verð að fara prenta eitthvað hérna inná.

Í þessu sit ég inn í herberginu mínu, ber á ofan fyrir framan tölvuna og spenni titsið á mér til skiptis, enda erum við Sigurbjörn búnir að vera duglegir í ræktinni þessa vikuna.
Talandi um stór karlmanns tits þá hefur mér fundist að flestir kallar hér, þá aðalega kennararnir okkar tala með Schwarzenegger hreim. Ímyndið ykkur Swassa sjálfan segja orð eins og “chemical equilibrium”,”heterogeneous” og “genetic clone”. Mjög skemmtilegt enda vorum við að hlæja að einum kennara áðan.

Fótboltinn er kominn á fullt hjá okkur, mætti á miðvikudagskvöldið seinasta og var bara nokkuð góð...nei ég var áberandi bestur Þarna kom eitthvað lið frá skólanum til að taka okkur uppá myndband fyrir skólann og auðvitað tókst mér að meiða mig á seinustu 3 mínútunum. Körfubolta meiðsl síðan úr Brokey – Keflavík í Kef 2004-2005. Held að þetta sé leikurinn sem Hemmi “beint ofaní” blokkaði einhvern helvítis keflvíking í drasl og nánast bað hann svo afsökunar á eftir . En held að ég verið orðinn góður fyrir skólamótið sem verður þar næstu helgi. Sýnist á mannskapnum að við verðum með sigurliðið

Við Sibbi ætlum á stað að éta sem heitir Wasabi. Er ég að fara smakka sushi í fyrsta skipti, kunnugir segja þetta vera mjög gott. Svo verður haldið í partý. Já enn eitt partýið, sumir spyrja sig hvort að ekki sé nóg komið....jú það fer að líða að því. Það er bekkjarpartý hjá okkur í kvöld, aðeins að fara að kynnast útlendingunum í okkar bekk betur og svo á morgun er víst aðaldæmið. Norræna busavígslan sem ku vera svaðaleg. Reyndar fer ég í paintball kl:11 með íslendingunum og svo er það beint eftir það í busavígsluna. Farið verður í ratleik og á stoppistöðvunum er víst allt flæðandi í búsi, svo fær maður auka stig fyrir að vera extra klikkaður Spurning hvað maður lendir í. Svo er kominn pása hjá okkur enda styttist í fyrsta próf.

Talandi um partý þá héldum við félagarnir partý á seinustu helgi. Heppnaðist bara mjög vel, troðið af fólki og mikil læti, svona eins og það á að vera. En klukkan korter í eitt var útidyra hurðin nánast klofin í tvennt þegar nágranninn okkar fyrir neðan okkur barði í hana og tilkynnti okkur það að eftir 5 mínútur hringdi hann á lögguna. Þannig að ég pantaði þá bara leigubíla fyrir liðið sem fórum öll á einhvern háskóla pöbb. Góður endir á góðu kvöldi.

Ætla að setja myndir frá grillpartíinu hjá Svenna og svo Partíið heima hjá okkur Sigurbirni og Magga. Þarna sjáið þið íslendingana hérna, gítarinn minn sem ég splæsti í og svo Tesco rusl hjólið mitt fræga.
Tók reyndar út ferðalagið hingað þær myndir, tóku alltof mikið pláss, set þær inn aftur seinna.

Bið að heilsa ykkur öllum

Selurinn

Sælt veri fólkið!!!
Jæja þá er fyrst vikan afstaðin og gekk hún bara bærilega. Tíminn fór aðalega í það að hlaupa á milli bygginga og finna réttu stofurnar, en það hafðist allt á endanum.

Fór í Tesco (sem sýgur by the way) og splæsti í reiðhjól. Sé mikið eftir því að hafa keypt mér ódýrasta 18 gíra hjólið í bænum. Fyrst þurftum við að fara með það á hjólreiðaverkstæði til að herða allar skrúfur og bolta. Svo var haldið heim á bremsulausa hjólinu. EN NEI, framdekkið losnaði af gjörðinni og slangan stóð út, þurfti að taka nánast allt loft úr því til að koma dekkinu aftur á gjörðina, var klukkutíma að hjóla 10 mínúta leið því að þetta gerðist aftur og aftur. Daginn eftir, í grenjandi rigningu, brotnar annar pedallinn af. Standarinn brotnaði líka af hjá Sigurbirni. Er hálfpartinn að vona að því verði stolið af mér

Auðvitað var okkur busunum boðið i partý á föstudaginn og þar þurftum við að “bonga” bjór og drekka svo einhvern viðbjóðs ungverskt skot. Fólk kannski spyr, hvað er að bonga? Fyrst þegar ég heyrði að við ættum að bonga þá leist mér ekkert á blikuna, hélt að ég ætti að fara reykja gras !!!!! En mér til mikils léttis var það ekki svo. Sjálfur tók ég einn og hálfan bjór á rúmum 2 sekúndum, enda vanur maður í stúdids En annars var ég bara ótrúlega rólegur, held ég.........

Á sunnudögum í vetur verða Íslendingarnir með fótbolta og var fyrsta mæting í dag. Þetta var algjört HELL, vorum að spila í 27-8 stiga hita og í logni. Get sagt ykkur að það að þetta er mjög góð leið til að brenna. Hélt að ég væri að deyja. En náði mér svo þokkalega á strik, minnir að ég hafi sett boltann 3 í möskvana, bara nokkuð sáttur við mína frammistöðu.

Jæja ætla að segja þetta gott núna, er að fara leggjast í bólið.
Bið að heilsa í bili,


Selurinn

Halló halló halló, loksins kominn með internetið, en það verður kannski bara tímabundið. Það gengur nefnilega allt mjög hægt hérna í Ungverjalandi í internets- og tæknimálum. Við erum loksins komnir með íbúð, þessir við eru: ég, Sigurbjörn og Magnús og eru þetta fínir drengir. Fengum 4 herbergja (nóg gistipláss) íbúð á ágætisstað, kannski svona 15 mín. labb í skólann en hingað til höfum við alltaf tekið leigubíl í skólann Hann kostar ekki drullu, erum að borga svona 150-250 krónur á mann í skólann og um 300 krónur í bæinn, sem er náttúrulega ekki neitt. Talandi um að kosta ekki neitt þá erum við að borga fyrir íbúðina, internet, sjónvarp og allt hita- og rafmagnsbullið um 14 þús krónur á mann Enda lifi ég eins og kóngur hérna, er búinn að fara út að borða hvert einasta kvöld, nema kvöldið í kvöld. Ætli það verði ekki bara ofn pizza eða samloka með skinku og osti...yummí Reyndar á fyrstu nóttinni minni hér í búðinni þá vaknaði ég um 6 leitið við að það voru 4 hundar að gelta á hvorn annan, hani gaggandi og fluga að pirra mig. Annars er maður bara að venjast öllu hérna, þetta verður alltaf betra og betra. Neita því ekki að hafa fengið smá menningarsjokk þegar við komum inní bæinn. Fyrsta sem við sáum voru niðurníddar blokkar frá tíma kommúnistans. Vildi helst fara að grenja og snúa við heim. En svo byrjaði ég í ungversku námskeiðinu og þá hitti maður alla og fór að kynnast fullt af nýju fólki. Er í þessu námskeiði út þessa viku og svo tekur alvaran við á mánudaginn 11. sept. Þá byrjar hið raunverulega læknanám


Haffi og Kári, sem eru 2. og 3.eða 4.árs nemar buðu í partý á föstudaginn seinasta og bærinn troðfylltist af blindfullum íslendingum, getið rétt ímyndað ykkur hvernig það var Sjálfur byrjaði ég hægt, var lengi í gang en svo þegar við komum á Ego, sem er einn af aðalstöðunum hérna, þá tók kallinn við sér, skellti sér á barinn, splæsti á allan barinn og tók svo 3-6 Breezer skot Ekki alveg með fjöldann á hreinu enda mann ekki mikið eftir heimferðinni. Var víst syngjandi heima hjá Ásgeir, gistum hjá honum fyrstu 5 dagana, honum til mikillar ánægju. Þessu man ég ekki eftir Svona verður maður eftir vodka red bull og Brezzer Fannar þú þekkir þetta


Það munar engu að ég sé að fara kaupa mér almennilegt heimabíó, þau eru alla veganna helmingi ódýrari hérna ef ekki meira og þá er ég að tala um Marantz og Kenwood. Tala nú ekki um flatsjónvörpin, shit....þau eru svo ódýr. Ætla samt að reyna halda aftur að mér í eyðslunni en ætla þó að splæsa í kassagítar og svo kannski rafmagnsgítar í nánustu framtíð


Ætla reyna setja einhverjar myndir inn núna bráðum, þarf aðeins að fikta í þessu. Nokkrar myndir úr ferðalaginu hingað og af skólasvæðinu, allt mjög spennandi Er kominn með gsm númer hérna út: 0036706330629 og verið þið svo dugleg að hringja í kallinn.
Læt þetta duga í bili og kveð ykkur á Íslandinu.


Viszlát (Bæbæ á ungversku)


Selurinn

Jájájá, kallinn kominn með bloggsíðu enda á leiðinni í 6 ÁRA nám í Ungverjalandi Hlakka til að skrifa sögu mína fyrir ykkur á ískalda Íslandinu í vetur.

Læt þetta duga núna, bless í bili

Selurinn